Ken semos

Somos un grupo de aktivistas, artistas, akademikos, i avlantes del djudeo-espanyol. Todos los miembros de los Shadarim fueron eskojidos por el Komite Egzekutivo de la Autoridad Nasionala del Ladino i su Kultura para kumplir uno de sus butos prinsipales: el kontakto kon komunidades de avlantes del djudeo-espanyol fuera de Israel. Los miembros de los Shadarim son de Ardjentina, Bosna, Espanya, Estados Unidos, Kroasia, Makedonia, Serbia, i Turkia. Reprezentan la Autoridad frente sus komunidades, difundiendo en eyas la informasion sovre el djudeo-espanyol, komo aktividades, inisiativas, i ovras de la lingua, i kolavorando endjuntos en la promosion i prezervasion de la lingua i la kultura sefaradi, tanto al nivel lokal, komo al nivel mundial.

Para dezinyar a los dichos delegados-voluntarios, se uzara el onorifiko antiguo de SHaDaR (שד׳׳ר), kuya abreviasion tradisionalmente se meldava komo Shaliah De Rabanan (emisario de los rabinos de Eres Yisrael), i el kual en este kavzo sinyifika Shaliah De la Reshut (emisario de la Autoridad).

Muestros Projektos

Yamada avierta para artikolos para
Revista Shadar #2, anyo 2022

 

Deslizar arriba